Səs izolyasiyasının effektivliyini təmin etmək üçün düzgün materialların seçilməsi vacibdir. Ofis üçün səs udma və ya səs bloklama materialları fərqli ehtiyacları qarşılamaq üçün istifadə edilə bilər.
Səs Udan və Səs Bloklayan Materiallar arasındakı fərqlər nələrdir?
Səs Udan Materiallar səs dalğalarını udaraq əks olunmasının qarşısını alır. Bu, səs səviyyəsini azaltmaq üçün idealdır. Akustik köpük, tavan plitələri kimi məhsullar səsi udmaq üçün nəzərdə tutulub. Əsasən musiqi studiyalarında və səssizliyin çox önəmli olduğu sahələrdə istifadə olunur.
Səs Bloklayan Materiallar səsin bir məkandan digərinə keçməsini dayandırır. Ofislər, evlər və ya iaşə obyektləri üçün uyğundur. Bu tip səs bloklayan materiallara səskeçirməz arakəsmələr, ağır divar materialları və ya izolyasiya edilmiş arakəsmələr daxildir.
Ofislərdə Səs İzolyasiyası üçün Hansı Materialdan İstifadə Edək?
Əgər ofisinizdə səs səviyyəsinin yüksək olduğunu düşünürsünüzsə, ilk növbədə təmir prosesinin düzgün gedib getmədiyinə baxın. Daha sonra isə aşağıda yazdığımız məhsulları yoxlaya bilərsiniz:
- Akustik Köpük: Asan quraşdırılır və yüksək səs udma qabiliyyətinə malikdir.
- Ofis xalçaları: Xalçalar səs udma üçün əla seçimdir və döşəmə səslərini azaldır.
- Tavan Plitələri: Səs-küyü idarə etmək üçün tavana quraşdırıla bilən panellər.
Ekoloji Təmiz və Davamlı Materiallar
Ekoloji təmiz səs izolyasiya materialları həm ətraf mühitə, həm də işçilərin sağlamlı cəhətdən məqsədəuyğundur. Bu tip materiallara təkrar emal olunmuş pambıq və ya yun materiallar və onlardan hazırlanan izolyasiya məhsulları və aşağı VOC (uçucu üzvi birləşmə) səviyyəli izolyasiya məhsulları aiddir.
Qeyd etmək lazımdır ki, bu məhsullar sadə akustik köpük və ya izolyasiya köpüyü kimi həll yollarına nisbətdə daha bahalı olurlar.
Açıq Planlı Ofislər Üçün Səs Problemləri və İzolyasiya
Açıq planlı ofislər estetik baxımdan cəlbedici və əməkdaşlıq üçün yararlı olsa da, səs-küy problemi burada ən böyük çətinliklərdən biridir. Açıq planlı ofislər üçün səs izolyasiya həlləri işçilərin diqqətini artırmaq üçün vacibdir.
İlk növbədə yarana biləcək problemləri ortaya çıxarmaq lazımdır. Bunlara əsasən görüşlər və və telefon zəngləri, işçilərin öz aralarında etdiyi müzakirələr və gündəlik fəaliyyətlərdən ortaya çıxan səslər (şkaf açılması, klaviaturada yazılar) daxildir. Bunların həll yolu isə səs maskalama sistemləri tətbiq etməkdir.
Səs Maskalama Sistemləri
Səs maskalama sistemləri ofisdəki səsləri “gizlətmək” üçün istifadə olunur. Bu sistemlər aşağı səviyyəli fon səsi yaradır və digər səsləri boğur.
Bu, xüsusilə əməkdaşlıq zonalarında səs səviyyəsini tarazlamağa kömək edir.
Vizual və Akustik Maneələr
Akustik ofis panelləri həm səs-küyü udmaq, həm də məkanları ayırmaq üçün istifadə olunur. Vizual maneələr isə, məsələn, rəflər və ya bitkilər səs səviyyəsini dolayısı ilə azaldır. Eyni zamanda insanlar baxaraq diqqət yetirmədikləri zaman, xarici səsin onları narahat etmə ehtimalları da azalır.
Bu həllər açıq planlı ofislərdə həm məhsuldarlığı artıracaq, həm də iş mühitini sakitləşdirəcək.
Ofis Səs İzolyasiyası üçün Sadə Həllər (Usta Olmadan)
Büdcəni aşmadan səs izolyasiyası üçün yaradıcı və sərfəli həllər axtarırsınız? Ofis səs izolyasiyası üçün DIY (özün-özünə) fikirlər həm əlverişli, həm də effektivdir. Aşağıda təklikdə edə biləcəyiniz bir neçə həlli qeyd etmişik:
- Xalçalar: Səs udma üçün döşəməyə sərilən qalın xalçalar effektivdir.
- Kitab Şkafları: Divar boyu yerləşdirilən ağır kitab şkafları səs-küyün qarşısını alır.
- Parça Panellər: Divarlara və ya tavana quraşdırılan parça örtüklər həm vizual, həm də akustik fayda gətirir.
- Ağ səs maşınları: Dərhal səs-küyün təsirini azaldır və diqqəti artırır. Bu cihazlar aşağı səviyyəli səslər yayaraq işçilər üçün sakit bir mühit yaradır.
- Portativ səs divarları: Daşınabilən bu məhsullar həm asan quraşdırılandır, həm də istənilən yerə rahatlıqla aparıla bilir.
- Divar və ya pəncərə ətrafında ağır pərdələrdən istifadə səs səviyyəsini azalda bilər.
Ofis Səs İzolyasiyasının Quraşdırılması və Baxımı
Ofisinizdə səs izolyasiya həlləri tətbiq edildikdən sonra onların düzgün quraşdırılması və uzunmüddətli effektivliyini təmin etmək vacibdir. Ofis akustik həllərinin quraşdırılması və saxlanması bu məqsədlə əsas addımlardır.
1. Peşəkar Quraşdırma və ya Özünüz etmək?
Burada da əsas məsələ nə qədər büdcənizin olması və əldə etmək istədiyiniz səs izolyasiyası səviyyəsidir. Ofisdə səs miqdarını bir qədər azaltmaq üçün sadə həllər kifayətdir, lakin musiqi studiyası və ya səs keçirməyən görüş otağı üçün peşəkar xidmətlərdən yararlanmalı ola bilərsiniz. Aşağıda hansı hallar üçün hansı xidmətləri istifadə etməlisiniz, onları qeyd etmişik:
- Peşəkar Quraşdırma: Akustik divar panelləri, tavan plitələri və ya səskeçirməz şüşə arakəsmələr üçün ən yaxşı nəticə əldə etmək üçün peşəkar xidmətlərdən istifadə edin.
- DIY Yanaşma: Akustik divar panellərinin quraşdırılması kimi daha sadə həllər üçün özünüz də işi görə bilərsiniz. Bu, həm xərcləri azaldacaq, həm də çevikliyi artıracaq.
Akustik Materialların Effektivliyini Qorumaq
Quraşdırdığınız səs izolyasiyasının uzunömürlü və effektiv olması üçün toz və kirləri təmizləyərək divar və tavan panellərini müntəzəm olaraq təmiz saxlayın.
Vibrasiya izolyasiyası üçün ofislərdə istifadə olunan sistemlərin düzgün işlədiyinə əmin olun və 3-6 aydan bir mütəmadi yoxlanışlar keçirin.
Nəticə
Ofis səs izolyasiyası, müasir iş mühitlərinin vacib bir elementi olaraq, həm əməkdaş məmnuniyyətini artırır, həm də iş məhsuldarlığını təkmilləşdirir. Ofis səs izolyasiyasının üstünlükləri, düzgün material seçimi və peşəkar quraşdırma vasitəsilə daha aydın görünür.
Açıq planlı ofislər üçün akustik həllər, DIY fikirləri və ekoloji təmiz materiallar həm funksional, həm də sərfəli seçimlər təqdim edir. Səs-küyü idarə etməklə daha sakit və məhsuldar bir iş mühiti yaratmaq mümkündür.